مصر التى كانت فى خاطرى
بقت مسخره
الواسطه اصبحت حق مكتسب ... وسيطر انصاف الموهوبين على زمام الامور
فاصبحت الامور اخر اسهال والامن مستتب
مصلحة السكك الحديديه ..... حديديه فعلا
مصلحة السجون .... غاية فى اللطف والاحترام
ومصلحة الضرائب مقلكش على الرافه بحال المواطن
ولا الاسعاف ... يا عينى على السرعه
وبلاش بالمره نتكلم عن تشجيع العلم والعلماء ... ولا الرياضة اللى وصلت للعالمية من اوسع الابواب
وحرية الصحافه والتعبير ... والوظائف الخالية مش لاقيه اللى يشتغلوا .. وتنشيط الاستثمار .. والاقتصاد اللى فى السما
ده غير مكانتنا بين الاشقاء اللى بقت تعملنا الف حساب ...
فضلا عن السياحه والاقبال الفظيع على البلد
هو احنا مش من حقنا نفخر ببلدنا ؟!
نفسى مره اقول انا مصرى وانا مقتنع فعلا انى فخور ببلدى من غير ما حد يضحك عليا !!!
يعلم الله كم احب هذا البلد
بس حد يقولى على النص المليان من الكبايه اللى احنا عايشين فيها دى
(غير وجودى فيها طبعا)
ليه الشربه فى خربة الشعب ؟!
ليه كلنا تقريبا عارفين رئيس الجمهورية القادم ؟!
ليه المتفوق مش دايما بياخد حقه ؟! ليه العلماء ملهمش مكان ؟! حتى المواطن العادى مبقاش له مكان ؟!
طيب اذا محسيتش بكرامتك فى بلدك تفتكر تحس بيها فين ؟!
مش تشاؤم على الاطلاق .. بس ((للاسف)) ده واقع
ليه واقعنا ميتغيرش ؟! اى حد يغيره .. الرئيس الحالى .. القادم .. التالى .. اى حد بس يتغير
ولكن ......
مصر التى كانت فى خاطرى ... مازالت ... وستظل
..... وكذلك ستظل القافله تعوى
×
×
×
×
×
×
×
يا خرابى على الانتماء
بقت مسخره
الواسطه اصبحت حق مكتسب ... وسيطر انصاف الموهوبين على زمام الامور
فاصبحت الامور اخر اسهال والامن مستتب
مصلحة السكك الحديديه ..... حديديه فعلا
مصلحة السجون .... غاية فى اللطف والاحترام
ومصلحة الضرائب مقلكش على الرافه بحال المواطن
ولا الاسعاف ... يا عينى على السرعه
وبلاش بالمره نتكلم عن تشجيع العلم والعلماء ... ولا الرياضة اللى وصلت للعالمية من اوسع الابواب
وحرية الصحافه والتعبير ... والوظائف الخالية مش لاقيه اللى يشتغلوا .. وتنشيط الاستثمار .. والاقتصاد اللى فى السما
ده غير مكانتنا بين الاشقاء اللى بقت تعملنا الف حساب ...
فضلا عن السياحه والاقبال الفظيع على البلد
هو احنا مش من حقنا نفخر ببلدنا ؟!
نفسى مره اقول انا مصرى وانا مقتنع فعلا انى فخور ببلدى من غير ما حد يضحك عليا !!!
يعلم الله كم احب هذا البلد
بس حد يقولى على النص المليان من الكبايه اللى احنا عايشين فيها دى
(غير وجودى فيها طبعا)
ليه الشربه فى خربة الشعب ؟!
ليه كلنا تقريبا عارفين رئيس الجمهورية القادم ؟!
ليه المتفوق مش دايما بياخد حقه ؟! ليه العلماء ملهمش مكان ؟! حتى المواطن العادى مبقاش له مكان ؟!
طيب اذا محسيتش بكرامتك فى بلدك تفتكر تحس بيها فين ؟!
مش تشاؤم على الاطلاق .. بس ((للاسف)) ده واقع
ليه واقعنا ميتغيرش ؟! اى حد يغيره .. الرئيس الحالى .. القادم .. التالى .. اى حد بس يتغير
ولكن ......
مصر التى كانت فى خاطرى ... مازالت ... وستظل
..... وكذلك ستظل القافله تعوى
×
×
×
×
×
×
×
يا خرابى على الانتماء
أهنيك على الموضوع الجامد ده
ردحذفوالمشكلة ان الموضوع متشعب قوي
ومش هيكفي صفحات اننا نتكلم عنه
وأنا هقول لما بنكون متحاملين على مصر ده حب فيها لأننا عايزين نبقى الأفضل فإننا خير أجناد الأرض
وللأسف دائماً سلبياتنا أكثر من ايجابياتنا
وأنا مش هنافق الناس وأقول ان الحال يسر الواحد في البلد دي كطموحي كشاب
ولكن السؤال الذي يجب أن نسأله هل مصر فعلاً قاسية
هي فعلاً قاسية قوي علينا .. الفقر وحش .. قلة القيمة وحشه .. الجوع وحش .. كسرة النفس وحشه .. قاسيه مش كده !!
بس ياريت مانخلطش الورق
لأن مصر مش كده ولاعمرها هتكون قاسية على أهلها
يمكن يكون النظام الحاكم
انا هقولك أنا بشبه مصر بإيه
عامله زي الست اللي ورثت من جوزها شيء وشويات وقام واحد اتجوزها وحرم ولادها الصغار من خير أبوهم ..
هتفضل برضو أمهم غلبانة
أنا كل لما أنزل الشارع لوحدي أحب أبص في عيون الناس
تلاقي في كل عين مشكله وأزمة وكوارث ...إلخ
وأحب أبص في عيون الموظفين في الاوتوبيس الصبح في آخر الشهر عشان رايح يقبض الـ 300 جنيه اللي هيحلوا مشاكله وكل همومه
بابص في عنين الفلاحة اللي شايله طشت الجبنة المتغطي وهي مستنيه محطتها عشان تنزل تبيع طول اليوم عشان 9 جنيه مكسب ولا حاجه
طبعاً اما هتصدق وتقول اننا شعب غلبان أوي
وتقول ياعين أمك ياخويا والكلام الفاضي ده
لأننا بناكل في بعض وبنستغل في بعض
سواق الميكروباص بيستغل فيه الركاب وموظف الحكومة بيستغل المواطنين وما يمشيش غير بالرشوة والمدرس بيستغل الطلبة علشان ياخدوا دروس خصوصية والدكتور بيستغل المريض علشان يعمل شغل والمدير متحكم في الموظقين عنده واصحاب الأعمال ما بيدوش العمال حقوقهم وهمهم ان كروشهم تكبر ويرموا الفتات للعمال .شوفوا المطاوي والسيوف والسنج اللي بقت وسيلة أنك تاخد حقك في البلد دي
العيب أولاً فينا كشعب
وثانياً الحكومة
ولو عايزين نفوق فعلا
لازم الـ 75 مليون يواجهوا نفسهم بالحقيقة
ونعترف ان إحنا شعب وحش ..آه شعب وحش ..عندنا انحراف ديني واخلاقي ..عندنا تخلف وتأخر منبعه أحنا ..وأهم من ده كله لازم نعترف إننا عندنا نعرة كذابة وفشخرة على الفاضي
شكرا يا ميدو على كلماتك دى
ردحذفبجد كملت الجرح
والاصلاح فعلا يبدأ من جوانا
"ان الله لا يغير ما بقوم حتى يغيروا ما بأنفسهم"
بسم الله الرحمن الرحيم
ردحذفبداية موفقة يا دمص
خليني الأول أؤكد حاجة مهمة قبل الكلام
و هي اننا بنحب بلدنا
و اننا متفقين أنها تستاهل أفضل من كده
و ان احنا لو بننقد مش عشان بنكرهها أو مش طايقينها زي ما فيه بعض الناس بتقول
بل لأننا عايزين لها الأفضل
و اعتقد انك متفق معايا في كده
العيب يا دكتور _ في رأيي _ مش في مصر بقدر ما هو في المصريين أنفسهم
مش هاقول لك ان الحياة في بلدنا ماشية زي الساعة
و ان كل شيء زي الفل
و الا ما كانش ده بقى حالنا
و لكن مشكلتنا ان احنا شعب شماعات
كل واحد بيرمي غلطه على التاني
و يقول لك يعني هو انا اللي هاصلح الكون
ما كل الناس كده
كل واحد عامل فيها فيلسوف و عاوز يصلح الجماعة
و هو من جواه زي البيت الخربان
كلنا بنلف و ندور
و اختصارا للكلام
حالنا مش هينصلح الا لو كل واحد راعى ربنا
في حياته
في شغله
في دراسته
في أهله و جيرانه
في كل صغيرة و كبيرة في عمره
لو كل واحد حاسب نفسه قبل ما يحاسب غيره
يوم ما تلاقي المصريين كده
أؤكد لك ان الفرج هيكون قريب ان شاء الله
حاجه جميله المدونة ويارب تفيد بيها نفسك قبل ما تفيد بيها الناس وشى جميل اننا عارفين ان الوسطة شغاله وان العيب فى النظام بس النظام عبارة عن ايه عبارة عن شويه ناس متقلش نك مش من الناس دى لا كله عليه العيب فبدا بنفسك وحتى لو الدنيا مش اتغيرت وانت موجود هتكون مهد الطريق للى بعدك
ردحذفشكرا يا سوكا انت ومحمد على ردودكم
ردحذفوبجد حاجه جميله ان فيه تفاعل معايا من الاول
وزى ما قلتو الاصلاح يبدا من كل واحد منا
بس ده مش معناه اننا نتغاضى عن الاخطاء
ولا بلاش اليأس دا كله
ردحذفايه مفيش شوية تفاؤل
على العموم
زى ما قالو الشباب
لو كل واحد بدا بنفسه واللى حواليه
الدنيا هتتغير للاحسن